لياجاك فزاع (ن) يبي فزعتك عي

[عيد نزال الفروان]

[

بسم الله الرحمن الرحيم


الوضع واقف مير مابيدنا شي
والله يعين اللي بوضعه رجاوي


لياجاك فزاع (ن) يبي فزعتك عي
اقعد ودنق لاتجيك الشكاوي


واليا عطشت اياك لاتطلب المي
عسى بجنبك واحد يجيه راوي


القلب ميت والجسد واقف (ن) حي
واون ونات المريض الخلاوي


من حر شمسي مايذريني الفي
والعين تسهر من بلاها تلاوي


جرحي عطيب وعلتي مالها كي
ولايبري المجروح كثر المناوي


العمر مقفي والشقى باقي (ن) لي
وكل يوم نقرى بالجريده نعاوي


اوراق نجمعها وهي لي (ن) بلي
كنه تولانا خبيث (ن) حساوي


وضعن يخلي الخي ما ينفع الخي
واليا جمعت الخير صفر(ن) يساوي


وانا خفوقي مرتوي بالهوى ري
هاوي على الدنيا ولاني بهاوي


واذا يجينا بليس نقول له دي
مكانه بقلب (ن) ضعيف (ن) وخاوي


كم واحد (ن) خشمه يبي جقمة ايدي
عالوا عليه كل فلو (ن) وغاوي


ياما قهرت النفس عن قولة (ن) لي
من خوف نجلي عن بلدنا جلاوي


والغانمين ونعم فيهم ويا حي
نباهم وجلساتهم والقهاوي


لولاهم الدنيا غدت زيها زي
بيت (ن) خراب بقاع قفر(ن) وخاوي


وجدي على الفدعان لاقالو خطي
بطقجي وتقصر عليه الخطاوي


وجدي على الفدعان تطوى لهم طي
قيعان مايوم (ن) وصلها نداوي


وجدي على الفدعان بواشة الحي
بواشة ديار (ن) سكنها شواوي


ياما بدق طبولهم دارت رحي
تطحن بها رجال (ن) تذبح فداوي


تشهد لنا شمر وتشهد لنا طي
ياما جدعنا راس غر(ن) عماوي


ماكن هالتاريخ يذكر لنا شي
حمر النواظر نازحين برجاوي


لكني المح في ظلامي تقل ضي
امر الملك خلى بقلبي هقاوي


عساه يكمل حيث مابيدنا شي
وكل (ن) على وضعه كسير وشفاوي

[صالح محمد العريف]

عيد
اولآ : عوده حميدة ، وان شاء الله يكون المانع خير

عيد
اين ما حضرت حضر الابداع .
واليوم ابداع من اول حرف الى اخر حرف
شاعر متمكن وترسم الحروووف وتشكلها
لوحة جميلة وليس تركيب وتجميع
لوحة من جمالها يسرح خيالنا في جميع زواياها
وبين حروفها والسطور .

وفي هذه القصيده مذاق طعمهـ سكر ولكن لونهـ مر بمرارة المعاناة التى تكمن بين الحروف .



ولك تحياااتي

[محمد مقبل السوادي]

واذا يجينا بليس نقول له دي
مكانه بقلب (ن) ضعيف (ن) وخاوي

الله يقوي قلوبنا
يالله حي ابن نزال ويا هلا وصح لسانك
وياخوك ترى ما نقوى على بعدكم شاركونا ولو بالمنتدى لأنه هو
حلقة الوصل بيننا بحكم إختلاف المناطق
وشاكر لك تواصلك اولاً واخيراً

[عيد نزال الفروان]

اخوي ابو فهد مشكور على ردك كالعاده
وانتم بالقلب حتى لو غبت مع اني اسرق اللحظات بالعمل ولو لثواني واستطلع اخباركم
عذري ما عندي عذر
علما اني ماعندي نت بالبيت
الا بالعمل وانت خابر الوضع
شكرا مره اخرى لمرورك

[عيد نزال الفروان]

محمد ومن قال يحيا
مشكور على ردك وتفاعلك
وزي ماقلت لاخونا ابو فهد ماعندنا عذر
لكن تاكد ان كل روسي يعني لي الكثير
وشكرا

[محمد عبيد جزاع]

صح لسان الشاعر - أبدعت
ويعطيك العافيه على هالكلمات يا عيد
أنت عيد والعيد قريب انشاء الله او تفرج على الكل يارب

لك تحياي

[عيد نزال الفروان]

هلا والله بمحمد الجزاع
ومشكور على مرورك الكريم

[خالد حمدان الدهام]

عيد ،
والله أنك مبدع ورائع جدا

و أسأل الله أن يفرج الهم
و يحقق كل آمالك

[محمد عبيد جزاع]

أبداعك هذا يستاهل التثبيت

[عيد نزال الفروان]

دكتور خالد انت المبدع وهلا بك
ومشكور على مرورك الكريم

[عيد نزال الفروان]

محمد الجزاع فشلتي وجزاك الله خير
مشكور مره ثانيه من القلب

[عبدالله خلف الكره]

يعطيك العافيه وبيض الله وجهك على القصيده الجزله

تقبل مروووري

[عيد نزال الفروان]

عبدالله مشكووور على مرورك الكريم
دمت بخير