الـبــدون الـحـرامـي .. معانقه حزينه ..

[صالح محمد العريف]

عندما يعطي الوطن ابنائه الكثير ولايبخل عليهم بشئ ويوفر لهم جميع سبل الراحه والامن والاستقرار

النفسي ويلبي جميع مطالبهم .. فسينتج ابناء يفتخر الوطن بهم ويفتخروون به ويعتلي بهم ويعتلون به ..


،،، ولكن ،،،

عندما يحرم الوطن ابناءه من سبل العيش الكريمه وينحر الطفوله بسكين الحرمان .. ويغتصب احلامهم ..

ماذا يحدث حينها ؟؟

ماذا تتوقع ان يكون الابناء ؟؟


القصيده معاتبه بين اثنين ....


لكم القصيده ... وللاثنين اسفي وامتناني ...




بعد ماسرقوا .. احس الاول بصحوه ضمير وبدى باللوم ... فقال الااخرر ....



نفسي دنيه وانت نفسك دنيه ..................
(( وعمر الحرامي مايلوم الحرامي )) ....


الحين صار اللي سرقنا خطيه .....................
عطني حقوقي لاتزود ملاامي ....


أأصبحت طيب وعندك اصدق حميه ...............
اسمع كلامي زين وافهم كلاامي ...


لارحم حي الطيب لارحم حيه ....................
الطيب مافاد النفوس الكرامي .....


بحر اظروفك شوف وشلون سيه .................
محروم حتى من معاش الدوامي ...


ديون .. واقساط .. وحياتا رديه ................
واحوالنا ماهي على مايرامي ....


نضحك .. ( وصحرا صدورنا ) مو خليه .....
ونسهر وجع والناس تلهى وتنامي ..


شفنا درسنا من ليالي شقيه ..............
ونعطي عن الدنيا دروس افتهامي ...


يالله دخيلك وش حصل بالبريه ؟؟ ........
ويالله دخيلك وشهو اللي علامي ؟؟ ...


وش حدنا . لقشر الدروب الزريه ؟؟ .....
والمجتمع ضيق علينا المقامي ....!!


مامن جواز نهج ومامن هويه .......
( وأأحلامنا كثر عليها السلاامي ))


( اربع حروف اليوم صارت قضيه ....
... نور الوطن زود علينا الظلامي )


صرنا على ماقيل ( اشجع ضحيه )) ..
نسكت .... وكلا زود الاتهامي ...


عزااه لنفوس الرجال القويه ....
.. عقب الشموخ اليوم صارت حطامي ...


ياصاحبي ناخيك ترجع عليه ....
وشله اتعذب ( هالبدون الحرامي ))


(( ... أأما نعيش اليوم عيشه هنيه ...
ومن بوقنا نصبح رجالا حشامي ... ))


(( .. والا السجن يازين برده وفيه ...
... اخــيـــــر من حريه الانهزامي ..))







لــ عـــبــــدالله الـــروســـــي


منقول

[محمد سعود الفهد]

ليتها وقفت على السرقة يابو فهد !!

وضع البدون .. جدًا سيء

[عبدالعزيز عيد السوادي]

بو فهد..!!

منو عبدالله الروسي.. ابي احب راسه وخشمه :)

[خالد حمدان الدهام]

الظلم يبرر الجريمه ؟

ما أدري

.

بس المآساة لا حدود لها .

الله لا يوفق الظالم .

[صالح محمد العريف]

بو فهد..!!

منو عبدالله الروسي.. ابي احب راسه وخشمه :)




عبدالعزيز
والله انا ما عرفه

[عيد نزال الفروان]

كل عام وانتم بخير يا عيال العم
القصيده ثمينه وتسلم يابو فهد على النقل
بس ودنا نتعرف على الشاعر اكثر

[محمدالسويلم الجريان]

عبدالله

صح السانك ودمت بكل الخير

وشكرا لبو فهد على النقل