صدر الشمالي

[عبدالكريم حمدان الدهام]

وش رايكم بقصيده لخلف مشعان ؟؟

بسأل سؤال قبل اقول القصيده يا شباب
صحيح ان صدر الشمالي رحب (( وسيع ))


القصيده ...

يقولون العرب صدر الشمالـي .. مايضيـق بسـاع
وانا اقـول الصـدور اليـوم .. ماعـادت شماليـه
بدت في داخلـي ضيقـه عجـزت القالهـا مطـلاع
تغيب . وترجع .. وترجع تغيـب ... ومالهـا نيـه
عمتني كلمة ٍ جتني . وضقت .. وضاق صدر القـاع
الا يالله لاتـجـزى غشـيـم ٍ .. قالـهـا فـيّــه
لهو صفـاع .. ياربـي .. ولاهـو للعـرب نفـاع
بلانـي وابتلـى حالـه ... وبعـض النـاس مبليـه
نهيته قبـل هالمـره .. يخلـي سيرتـي .. ماطـاع
الا يالعنبـو جــد القصـيـد .. ولعنـبـو بـيـه
ضعيف النفس ( نسونجي ) يشوف بعينـه الاطبـاع
يحسبنـي مثـل ربعـه .... يسـوق بضاعتـه ليـه
انا اشري .. لابغيت اشري .. ولاني مساوم البيـاع
الـى مـن قاللـي ميـه .. عطيتـه فوقهـا مـيـه
انا اكتب .. لجل من يقرا .. ولاارجي من يقول ابداع
وابــد لاتحسـبـن مثـلـك يشكـلـي أهـمـيـه
ترى ياهيه .. لامني نويتك .. بـس اطـق اصبـاع
يجينـي الـف شيطـان ... ووراهـم الـف جنيـه
أجرك من طرف حرفك .. وارد الصاع مية صـاع
جنون القاف ... ارقصها ... على راسك .. هجائيه
يويلـك لـو توليتـك .. وربـي .. مالـك الشفـاع
يجيك من القصيد .. احسـب .. ثلاثميـه.. ثلاثميـه
ولكن .. خلك بحالك .. مادام ان الصـدور وسـاع
تـرى للحيـن ماضاقـت ولسعـهـا .. شمالـيـه

[سامي خلف الدهام]

الله يعطيك العافيه .. اختيار رائع لقصيده روعه مشكورن عليه

تحياتي,,



_

[عبداللطيف حمدان الدهام]

انا اكتب .. لجل من يقرا .. ولاارجي من يقول ابداع


,,
,,
,,
اتمنى كل واحد يكتب شعر يعرف معنى البيت هذا


وشكرا على القصيده

[فيصل عجاج الكره]

بناءاً على هالقصيدة

الشمالي و طبيعة الحمية فيه و الغضب عند أي شيء ربما يمس كبرياءه


صدر الشمالي ما يعرف السعه

[خالد حمدان الدهام]

...


اختيار حلو كروووووووم
بس ماندري عن اصل كلمة (( الصدر الشمالي ))
ياليت احد من الشباب اللي يعرفون بالتراث يفيدوننا

وياليت ابو أحمد الرشود موجود ..
كان هو اللي فادنا

نتمنى تواجده قريب

شكرا كروم

[عبدالكريم حمدان الدهام]

سامي ..
عبداللطيف ..
فيصل ..
وخالد ..
كل الشكر على مروركم وردودكم ..

ننتظر احد يجاوبنا صحيح صدر الشمالي وسيع
والا هياط شاعر ..

[يوسف أحمد الجزاع]

صح لسانك من قايلها ومن نقلها لنا

يعطيك العافية على نقل القصيدة الرائعه لنا