قصـــــيـدة .... (( شق القربــــة))

[سامي خلف الدهام]

شق القــربــه


لاجيت ابرق بالزمان اللي عثرت بدربه=لقيت لي وقت يشيب بالعيون أهواله

مزيج بين الكذب وجنون الجشع والغربه=والمصلحه بقلوب ناسٍ بالزمن محتاله

وقت ٍ به الرجال مابلل ضماه بشربه=ولا لقى له لقمةٍ تسد فم عياله

لالد وجهه في شمال الدار وإلا غربه=ماشاف ياكود الهبوب اللي تصفّق جاله

اهب ياوجه الغدر في عالم ٍمضطربه=حتى على ظروف الفقير تباشطه برياله

تبذخ ولافي يوم ذاقت جوع وإلا كربه=والكل منهم ينثر بوجه الحرام.. امواله

مصيرهم مهما يطول الوقت تحت التربه=في وقت مايشفع خطايا العبد غير اعماله

ياكثر مانبغى السنع والعود شق القربه=ويديه في حلق الخبيث وللأسف ماغاله

من بعد ماشكل فريق وصار راس الحربه=اليوم غاب وغيّب الله هيبته وافعاله

لايرتخي راسه وفيه من الخصال الذربه=طبع الشمالي يحترم قوله وميل عقاله

المشكله دايم يصلّح حالنا ويخربه=وإلا بلاش من الكلام الله يصلح حاله

يفرد حجاجه بس تبقى نفيسته مكتربه=ومن الفسق خاتمه يسوى دخل حي لحاله!!

يكفي حمام العز طيّر من يدينا سربه=حتى غدينا نشرب الشاهي بدون بياله

عليك والله في ذرى جار ٍ ينومس قربه=اللي ليا ضاقت عليك بديرتك تلجى له

يكفي ليا منك طلبته شي قال : ابشربه=يمشي بوصية جده وعمه وابوه وخاله


الشاعر/ سعود العواجي

[عبدالعزيز عيد السوادي]

سامي................................وين القصيده؟؟؟

قاعد من صباح الله خير وتضحك علينا:D:D:D:):):mad::mad:

[سامي خلف الدهام]

ليش مافيه قصيده الان انا نزلتها ... والا قصدك انها مش ولا بد ؟؟

او ان فيه خلل فني حاصل

[عبدالعزيز عيد السوادي]

والله يا سامي اني ما اشوف قصيده......

يا شباب تشوفون قصيده ولا جهازي فيه خلل؟؟؟

انا احب سعود العواجي...ولا تنسى انه صديق الدراسه.....وعاصرته وشجعته من قبل ان يكون الشاعر سعود العواجي..



ارجع وضيفها ثاني مره:)

[طالب عيد السوادي]

الله لا يهينك يا سامي على هالنقل

وقصيده رائعة بحق

صح لسانك ولسان قائلها




بو سعود
البلا من متصفحك :d

[فيصل عجاج الكره]

قصيدة قوية و يبدو أن ورائها قصة أقوى


بلا شك أبدع الشاعر و أجاد بإختيار القافية الملائمة لمثل هذه القصائد الرمزية و الموجهة

[سامي خلف الدهام]

عبد العزيز شفت القصيدة والا للحين .... ترى لا تفوتك خوش قصيده


وانتظروا الجايات عندي كل قصايد هالشاعر بس انتظر الوقت المناسب لكل قصيده

[عبدالعزيز عيد السوادي]

سامي...أعتذر منك

البلا من المتصفحي اللي عندي:p:p;);)


عندك لسعود العواجي اي قصائد صوتيه...بدون خلفيات موسيقيه


انتظر ردك

[سامي خلف الدهام]

سامي...أعتذر منك

البلا من المتصفحي اللي عندي:p:p;);)


عندك لسعود العواجي اي قصائد صوتيه...بدون خلفيات موسيقيه


انتظر ردك


هلا عبد العزيز ..... والله ما اعتقد ان عندي له شي صوتي لكن اوعدك اني باشوف لك لو منه شخصيا

:p:p:p;););)

[سامي خلف الدهام]

عبد العزيز مسموح احط غزل ؟؟؟؟؟ :p;):cool::cool:

[عبداللطيف حمدان الدهام]

يكفي ليا منك طلبته شي قال : ابشربه
يمشي بوصية جده وعمه وابوه وخاله

البيت هذا يكفيني من القصيده

يعطيك العافيه ابو خلف