مسابقة ,, توقع نتيجة مباراة الهلال والاتحاد.تحصل علي جائزه .

[زيد خلف الدهام]

توقع نتيجة مباراة الهلال والاتحاد غدا في ذهاب نصف النهائي لكأس الملك , واحصل علي جائزه شحن جوال او موبايلي
بقيمة 10 ريال ,

وشكرا لكم ,

[عبدالكريم حمدان الدهام]

دام فيها شحن والله خطير يا ابو حمني


والله ودي الهلال
بس اتوقع الاتحاد 1/0

وانشالله بخذ الشحن لاني صحيح مطفر

ويا شباب لحد يتوقع نفسي اوك عشان ما تصير قرعه والا تقاسم
ترى كلها 10 ريال

[عبداللطيف حمدان الدهام]

اتوقع مباراة نايمه
بس الله يستر
اتوقعها 2/1 للاتحاد


مع ان احساسي يقوول تعادل

[عبدالرحمن حمدان الدهام]

يعطيك العافيه ابو حمني ,,


مباراه سلبيه مستوى ونتيجه

0/0 التعادل صفر / صفر

وشكرا زيد ....

[خالد عوض الرشود]

اتوقع ان يفجرها الاتحاديون اليوم 2 / 0 انشاء اللة

[خالد علي العريف]

السلام عليكم ورحمة الله وبركاته
اتوقع

1/0 للهلال ........ وانشاء الله مايخيب ظني انشاء الله هلاليه

[سليمان عجاج الكره]

مادام فيها شحن بعشر تريل

أتوقعها

3/1

للإتي :)

[فيصل خالد العريف]

.
.
يعطيك العافيه ابوحمني
أتوقع 0-0 مع امنياتي بالتوفيق للهلال واتمناها هلاليه

[مشعل دهام خلف الدهام]

مشكووووووووور ابو حمني


اتوقع 2/2

[عبدالعزيز الزقم]

امممممممممممممممممممم

بعد التفكير العميق اتوووقع

فوز الهلال ... 1/0

[علي محمد العريف]

السلام عليكم ورحمة الله وبركاته
وبه نستعين

ادارة منتدى الروس ترحب فى مسابقه المشرف الرياضى وتشكرة على الرقى بالمنتدى
وعليه يتم دعم الجائزة ببطاقة شحن (( عشرون ريال ))

وبالله التوفيق

[فيصل عجاج الكره]

أتوقعها إتحادية

كان ودي أقول 3 / 1

لكن بما إن أخوي سليمان سبقني


أتوقع الإتحاد 3 الهلال 2


و بما إن خطي فاتورة

إذا فزت أتبرع بقيمة الشحن لدعم خلف المشعان

[عبدالاله حمدان الدهام]

السلام عليكم ورحمة الله وبركاته

كان ودي اقول 2/1
لاكن عبداللطيف قالها
وانا اقول 2/0للاتي

وبالتوفي يالزعيم [لانه من الرياض ]
ولي علشان اخذ العشر ريال
وشكراااااااا
ابومني

[زيد خلف الدهام]

شكرا للجميع علي التفاعل مع المسابقه .. لو ندري راح يصير التفاعل كذا كان من زمان سويت مسابقه
بس والله هذا العشم برجال الروس , مع ان فيه شباب ماشاركوا بالتوقع .. ترى مو لازم يكون الواحد يتابع الرياضه هي بس توقع .

عندي توقعين امانه من رياضيين روس لكن لايستطيعون التسجيل بالمنتدي

الاول . عبدالرحمن بن زيد الدهام التوقع / فوز الهلال بهدفين للاشي للاتحاد

الثاني . اسامه بن زيد الدهام التوقع / فوز الاتحاد يهدف للاشي للهلال .

وشكرا للجميع

[زيد خلف الدهام]

ابو غازي شكرا علي مرورك . لكن كان ودي انك حطيت النتيجه . ولاتخاف ترى جائزتك مو شحن انت اذا فزت راح ارسلك كرتون اندومي ... ادري ان الفول ذبحك ,

[خالد حمدان الدهام]

...



كنت أتمنى أقدر اتوقع غير
بس مابقى الا هالخيار ..

أتوقع :
1/ 1
جوالي مفصول ..
وأبغى أشحن ..


زيد بس تنتهي المباراة ارسل البطاقة بسرعه

أخوك : خالد

[عبدالله حمدان الأسود]

هاردلك للزعيم
وإنشاالله
الكأس للشباب أهم شي الكأس بالرياض

[زيد خلف الدهام]

الف مبروك للاتحاد الفوز

وللأسف لم يفز اي احد من الاعضاء

وكان ودي ان الاعضاء الذين لايتابعون الرياضه يشاركون لكان احدهم فاز بالجائزه ,

[عبدالاله حمدان الدهام]

زيد ماعليش ادري منغث بس
انا من الحين اتوقع الاياب
5/1 للاتحاد والبطاقه باذن الله لي
[ذق ما ذاق غيرك ]
كان ودي اقول مبرووووووك
بس هاردلك

[فيصل خالد العريف]

؟



ابو حمني محد خسر الهلال الا كرتك ابو عشره
انا من شفت كرت ابو عشره قلت لا ربحنا
الله كريم انشالله يعوض الهلال بالمباراة الجايه

[عبدالرحمن حمدان الدهام]

هاردلك للاعضاء ..,

وهاردلك للهلال ,,

صعبه يا هلال وقويه والله ,,

اكثر المتشائمين ما يكان يتوقعها تنتهي كذا ,,

بس الهلال داخين المباراه وهم مكتفين بالبطولتين ,,

واللي قصم ظهر البعير كورة الشلهوب كورة التعادل بس ياحرااام سنتمتررات عن المرمى ,,

والله صعبه بس انشالله يعوضونها الهلاليين بالاياب ...


...

[عبداللطيف حمدان الدهام]

قالها عبدالرحمن اسواء المتشائمين بالهلال ما كان متوقع هالنتيجه
واكثر المتفاءلين بالاتحاد ما توقع هالنتيجه


,
..
,
بس والله ما اقول اخذنا بطولتين خلاااص ما ازعل
اقووول كفوووا ووفووا
بس من جد كبيره
قهر ومن منو من الاتحاد
على العموم الحمد لله على كل حال
والنهائي الكبير بين الاتحاد والشباب


بالتوفيق للي ضد الاتحاد

اللهم لك الحمد بطولتين تكفي