أخوانيات شعرية

[صالح محمد العريف]

أخوانيات شعرية
كل يومين او ثلاث يرسل لى صديقي واخي العزيز الدكتور : خالد الحمدان
رسالة على جوالى فيها بيتين او اكثر واتعب جدآ في مجاراتها
لاني ماني شاعر ، ولكن لي محاولات بسيطة جدآ وينقصها الوزن والقافيه ومقومات الشعر !!
وحبيت انقل لكم بعض هذه الرسائل المتبادلة بيني وبين


الدكتور خالد .
هنا : --




ياصاحبي هذا الزمان ما هو زمنا
سامح الله شعور دايم يعتريني
اشعر بضيقه وبها حشرجة ونه
لو بحت .. ما طاقها قلب يحتويني
عجزت القي وطن .. حتي وطنا
عشت به وعجز لا يعيش فيني


د : خالد






انا وهـ الزمان .. من زماااان أفترقنا
لومو سنة الحياة .. لكف عنه يديني
وعيش خلف الجنون ! لوبدون معنى
وأنطوي مع نفسي .. والحزن يصبح سجيني
الشعور اللى تحسبه ياصاحبي جمعنا
جروح وغربة .. وزمن والله معاديني


ابو فهد





ولكم تحياتي

[محمدالسويلم الجريان]

صح السانك دكتور خالد

وصح السان الاخ ابوفهد

تقبل مروري ولك تحياتي

[صالح محمد العريف]

هذه اخوانيات شعرية 2
وكالعادة دائما الدكتور خالد
هو صاحب المبادر لنشاطه وكسلي في هذا الجانب
ولكن ان شاء الله تعجبكم .



ياصاحبي .. ما لقيت أبد أحد يعزيني
أحترق كلي وضاقت على حتى سماى
أخنقـتـني عبرتي وأنتحر دمعي بعيني
وتمنيت موتي .. يمكن ارحم من عناي
لما (مات الكرم) ..بين ربعي وبيني
وأعزتي .. والله كان اغلى من ضناي


د. خالد




ياصاحبي ودي اعزيك .. بس مقيدهـ يديني
والنظر محدود .. والحظ دايم متعثر معاى
ويساري ياصاحبي لو مديتها ماتاصل يميني
اخف أمدها تقصر .. ويفرحو"ن" بي أعداى
اه الضمي يموتني .. وموتي السراب يحيني
وارسم دروب المسافة ..ونسي مكان أخطاى


صالح العريف

ولكم تحياتي

[محمدالسويلم الجريان]

ماشاء الله عليك ابوفهد شكلك شاعر رد على كذا ارسلي رقم جوالك ابي انضم لخوي د خالد
ونخلي ليلك سرمدي بس سراحة حلوة تسلم ويسلم خالد على ماقدمتم انا ودي انا نطبقها بالمنتدا
لأن الطريقة مشجعة ومطورة للمواهب الشعرية 0

شكراً لكم

[صالح محمد العريف]

محمد
شكرآ لهـذا التشجيع

ولك تحياتي

[صالح محمد العريف]

أخوانيات شعرية 3

لا تودعنى ما اتحمل لحظات الوداع
وقلبي الاقشر يتفطر منها
أهـ ومال عيني لا شالوا الشراع
الله يصبرها على الحزن الى سكنها
صالح العريف
-------------------------------

أهـ مع وداعه أنتثر كل ما فيني وضاع
لما سالت دمعه وبطرف كمه دفنها
وكنها تحلف ترى ما بعد فيه أجتماع
سافرت طيور الفرح وماتت عن وطنها

د. خالد الحمدان

[محمد بن هادي الفهد]

جميل جدا : )

لاهنتواااا

[صالح محمد العريف]

محمد
الجميل هو حضورك ، ونشاطك .

[صالح محمد العريف]

هذهـ اخوانيات شعرية بيني وبين الدكتور خالد الحمدان
وهذه رقم اربعة (4)


لو ما افضفض يادكتور ضلوعي تكسرت
مرات افضفض لو أنهـ .. بـ الكذب
على ما فات .. بـ الدنيا ما تحسرت
مرات ترخي .. لنا الحبل ومرات جذب !!

صالح

الدموع لو ما نزلت في داخل العين تحجرت
وأحيانآ حتي الحزن به طعم عــذب !!
هذا حال دنيانا بكتاب ربك تسطرت ..
مرات نسحبها يمنا وهي مرات تذب !!

د. خالد

ولكم تحياتي

[صالح محمد العريف]

هذهـ اخوانيات شعرية بيني وبين الدكتور خالد الحمدان
وهذه رقم اربعة (5)


ياصاحبي كل شي بعيني .. ظلام
حتى شعاع الشمس ما .. يقديني
يقول المثل .. السكوت ابلغ من الكلام
وترى كلامك هو اللى .. يحيني
صالح العريف


ياصاحبي مابه شي أسمه عتام
النور بالقلب ضي لدربي وعيني
والله احيان من همي .. ما نام
لكن عزاى أن مثلك ما يخليني

د. خالد

[صالح محمد العريف]

اخوانيات شعرية رقم 6 بيني وبين الدكتور خالد الحمدان






ياصاحبي .. غدى الصدق عيب "ن" يعيرنا
وأعزتي ضاعت علينا بين اللأت وعزهـ
كفرنا بكذب أصنامهم وشترينا ما يصبرنا
وإلا هبل .. لابد تجيلهـ في يوم حزهـ


د. خالد


ياصاحبي .. ما نتبعهم لو الزمان عليهم جبرنا
والصدق ينجي .. والحر لهـ شموخ وعزهـ
وفاس ترابطنا .. تكسر اللأت .. وعزهـ
ونحرفُها على هبل ! ومن عروقهـ نجزهـ


صالح العريف

[صالح محمد العريف]

هذه من الاخوانيات التى تدور بيني وبين الدكتور خالد حمدان

وهذه رقم (6) من الاخوانيات الشعريه



ياصاحبي حارة الحرميه اصبحت ديرهـ
وانا وانت بأخر الشهر تضيق بنا الفضيه
(......) حي لأصحاب بنك وكاس بيرهـ
متي يفرجها الله ونصبح من قوم الحراميه

د/ خالد






ياصاحبي لا بيت ولا مصيف بجزيرة
ولا لنا نصيب في حي الحراميه
لو سرقنا ريال والله ما نعرف نديرهـ
ويطلع خبرنا على قناة العربـــيه
هذا قضاء الله ياصاحبي وهذا تدبيرهـ
والحمد لله ما حنا من قوم الحراميه


صالح العريف

[محمدالسويلم الجريان]

مانطلب إلا الله والله يصبرنا=وكلن افعاله بالمجالس ترزه
تشهد بوقفات الجماعه مقابرنا=بس لودرا اللي مات باللي يعزه
تحياتي
لك اخو خالد وتحياتي لك ابوفهد ارجو قبول اقتحامي بدون اذن بس بصراحه ابداع وطريقه حلوه
ودمتم بخير

[صالح محمد العريف]

اقتباس:
المشاركة الأصلية كتبت بواسطة محمدالسويلم الجريان http://www.alroos.com/vb/qbael/buttons/viewpost.gif (http://www.alroos.com/vb/showthread.php?p=25303#post25303)
مانطلب إلا الله والله يصبرنا=وكلن افعاله بالمجالس ترزه
تشهد بوقفات الجماعه مقابرنا=بس لودرا اللي مات باللي يعزه
تحياتي
لك اخو خالد وتحياتي لك ابوفهد ارجو قبول اقتحامي بدون اذن بس بصراحه ابداع وطريقه حلوه
ودمتم بخير




ابو مشهورحضورك والله يشرفنا = ويقــوى الروابط بينــا والمـعزه
وحضور الشباب بالمنتدي يميزنا = ونجوم تضى على درب المجره

اخي العزيز
ابو وشهور
بالعكس مداخلتك ومشاركتك لنا نعتز بها
وتزيدنا تميزآ
واقدم لك ولــ كل اخي من الاعضاء دعوة لــ مشاركتنا بهذهـ الاخوانيات

ولك مني افضل تحية وتقدير

[صالح محمد العريف]

اخوانيات شعرية ( 8 )



يا صاحبي بعيني ظلام وعتيـــم
ما بقي للناس موقف أو ثبـــات
لا تلوم القلب ما عاف النديــــم
إلا عاف دنيا .. ما تسوى فتات

د / خالد الحمدان









إن كنــــت في ســـــفر ولا مقيـــم
خل قلبــــــك مـــع رب الــــسموات
لا تـــغرك الدنيـــا بـ حبيب ونديــم
كلـــــــها فانيــــهـ بلحظة .. ممات
ندعوا الـرحمن .. ندعوا الرحيــم
ونرفع يدينــا .. لا حــلا المــــبات


صالح العريف

[محمدالسويلم الجريان]

لاحداك الهم بالليل العتيم=واستقر بعينك وشان المبات
وان جرحك اللي تعزه بالصميم=اطلب الله والليالي ساريات
والعفومايملكه كود الكريم=ولاتبحر بالامور الماضيات
كن صبور وخلك بحكمك حكيم=والصبرمعروف من خيرالصفات

[صالح محمد العريف]

محمد السويلم

تنحنى الاقلام احترام وتقدير لروعة مداخلتك
ولا املك الا اصف اصف لك

ولك تحياتي وتقدير على الجهد الذي تبذلهـ من اجل المنتدي .