من هو أفضل لاعب كرة قدم بالمنتدى أو روسي بشكل عام ؟؟

[دهام خلف الدهام]

السلام عليكم ورحمة الله وبركاتة ...


اعزائي نفتح باب الترشيح لأفضل لاعب روسي :confused:


المصداقية مطلوبة رشح بكل شفافية لاعبك المفضل من أبناء الروس سواء قديم أيام كامل الأوصاف أو جديد من طقت أبطال الديجيتل :D

بأنتظار الردود وبالتوفيق

[عبدالاله حمدان الدهام]

افضل لاعب بلامنازع عبدالرحمن حمدان
والتالي عبدالهادي حمدان لما ياخذ فرصته

وشكراااا لك
يا دهام

[علي محمد العريف]

على ايام كامل الاوصاف
افضل لاعب صالح العريف
وعلى ايام الرجل الحديدى انا
اما الان عبدالرحمن وسامى الرشود علشان دايم يقولى لعبك ممتاز

[خالد حمدان الدهام]

..

كلام علي العريف صحيح
أعتقد زمان صالح العريف أبو فهد
وخاصة لما ينفش شعره وتعلق الكوره فيه زي ماردونا
فاصل ( والله كنت اخاف منه وللحين ودي انتقم ههه , المشكله للحين ماشيب )
وحاليا اعتقد عبدالرحمن ..
لكن طبعا هذا ماينفي ان فيه افضل بس حنا مانعرفهم .

.

شكرا ابو مشعل
.

[خالد علي العريف]

السيلام عليكم

المرتبه الاولى:::عبد الرحمن حمدان

المرتبه الثانيه ::: عبد الهادي حمدان

المرتبيه الثالثه ::: عبد الاله حمدان

وشكراااااااااا ...... للجميع

[عبداللطيف حمدان الدهام]

خالد قلت اسماء العائله كلها ونسيتني والله بحق
طيب انا حسب رأي
ايام اول ابو فهد
اما بجيلكم يا ابو مشعل
<<< احس ابو فهد شايب مرررره بس للحين كابتن
نرجع بجيلكم ابو حمني والله تراه مبدع
بس حاليا
عبدالرحمن الحمدان اتوقع انه هو الافضل




وشكرا على هذا الموضوع يا ابو مشعل
لانه راح يسوي حماااس كبير

[زيد خلف الدهام]

ان مافي احد ذكر اسمي هذي بحق .. مع الشكر للاخ عبداللطيف علي مجاملته لي مع انه حطني بجيل ابو فهد ..

اما بالنسبه للموضوع .. انا راح اخرج عنه قليلا .

في السابق يوجد لدينا مواهب عديده لكن لم تكن الظروف تسمح للاهتمام بالموهبه الكرويه وصقلها باحد الانديه الكرويه

اما الان فالفرصه مواتيه لمن هم دون عمر العشرون سنه لاضهار مواهبهم وصقلها باحد الانديه الكرويه او حتى الاكاديميات الكرويه ..

وبالعوده للموضوع الاساسي . فمن وجهت نظري الافضل هو .. عبدالرحمن الحمدان ليس من الناحيه الفنيه لكن لانه تواصل علي ممارسة الكره ولو بشكل متقطع فهذا اعطاه افضليه في الحساسيه على الكره .
وبالنسبه للمواهب القادمة ..ارى انه لدينا مواهب عديده لابد من الاهتمام بها ومنحها فرصه جديه للمارسه هذه الرياضه وصقل الموهبه .

فمنهم .. عبدالاله حمدان ... تقريبا راحت عليك ..

عبدالهادي حمدان .... الحق نفسك ..

عبدالرحمن زيد ... سوف يكون له شأن لكن يحتاج للهدوء والتركيز .. انتظروه في الوقت المناسب (وعد)

واخيرا انا سوف اوريكم اليوم من هو افضل لاعب روسي .. قال محد معبرني قال ..

[عبدالرحمن حمدان الدهام]

صراحه ترددت كثير عشان ارد على هالموضوع

لا تظنون عشان اختاروني الشباب لا بالعكس


بس جد لو جيت تبي تذكر تخاف تنسى احد وصعب

وصعب تحدد واحد

واكيد لكل مركز شخص يكوون مبدع فيه

وانا اشووف انكم نسيتوا كثير ويمكن نكون في ناس ما شفناهم يلعبوون

فظلم تحدد شخص وتقوول هو الافضل بس يمكن يكوون من الافضل

وانا اقوول الافضل سابقا ومنهم صالح العريف وعبدالله الحمدان ومحمد الرشودوابو فهد اعتقد للحين ولبعد ..

وبالنسبه للوقت الحالي او قبل فتره بسيطه منهم زيد الخلف وفيصل العريف واحمد العبود واحمد الشعارى

والوقت الحالي اشووف عبدالكريم حمدان وفهد صالح العريف وعبداللطيف حمدان

وللمستقبل يمكن صعب تقوول الحين بس عبدالهادي حمدان واسامه الزيد

...

واعتقد ان الكوره والرياضه عامه

اخلاق قبل ما تكون فن ومهاره

وشكرا لابو مشعل على هالموضوع

واكيد هو من الافضل



,,,,,

[عبداللطيف حمدان الدهام]

يا جماعه الموضوع ما نبيه يوقف لحد هنا
وين الشباب عن المشاركة
وخاصه الشباب الكبار
نبي نسمع رايهم
واتمنى من الشباب انهم يتفاعلون مع الموضوع
وشكرا

[عبدالعزيز حمدان الأسود]

من الشباب اللي ماتنساهم ملاعب الشعبيات والأثل

محمد عوض، عبدالله حمدان، محمد صالح

ومن الشباب(الشياب) اللي ماتنساهم ملاعب العشيش

صالح العريف

وملاعب النظيم تزهو بكل شباب الروس وأعتقد أن عبدالرحمن و عبدالإله من ضمنهم

[خالد عوض الرشود]

لا يمكن لاى شخص يعرف بالرياضة ورأى لعب محمد عوض الرشود الا يقول هذا اللاعب افضل واحد وبعيد عن العنصرية طلبوه نادى القادسية ورفض ومدرب نادى الجهراء جاء للوالد ليقنع محمد للعب بالنادى فرفض وكذلك نادى النصر السعودى فرفض وكذلك نادى الهلال ورفض فكلكم تشاهدون لمساتة للكرة لم تضيع الى الان
و الثانى من ابناء الروس يونس عليوى الرشود لاعب نادى الباطن ومثل منتخب المملكة للناشئين
ولايهونون اخواني عبدالرحمن وعبدالكريم نجم مباراة الامس بدون منازع وكذلك عبدالاله وهذه وجهة نظري مع احترامي لوجهة نظر الجميع . . .
واللة لاعب لة مستقبل واعد وانا معجب بة وبلعبة وتثبت لكم الايام انشاء اللة

فهد صالح * * *فهد صالح * * *فهد صالح

فهد صالح * * * فهد صالح * * * فهد صالح

ياصالح يازيد يا عبدالحمن باللة عليكم جيبوه بالمباراة القادمة واللة انشاء اللة غير تفوزون

[خالد حمدان الدهام]

...


والله ياابو حنان
أنا ماشفت محمد يلعب
لكن لما سألت العيال وخاصة عبدالله وعبدالعزيز
قالوا لي انه كان نجم من نجوم الكرة
ولولا ظروف محدده و الا كان نجم مشهور
وقالوا انه كان مشهور حتى انه نجم قطعه 6 يمكن
وحتى بعض العجايز قالن انه بيحترف بالصين هههه
عساها خيرة ان شاء الله

وعقبال مايعوض يونس آماله
وياليت نشوفه بيوم يلعب مع شبابنا
وربي يوفقه
ويوفق كل شبابنا


وشكرا لوجودك

[خالد حمدان الدهام]

...


وأنا أشوف ان أبو حمني
راح يفنقر ردك زي فناقر ابو خالد

وشكرا

[زيد خلف الدهام]

...


وأنا أشوف ان أبو حمني
راح يفنقر ردك زي فناقر ابو خالد

وشكرا


ابو وليد وصلته لك حفر الباطن

[خالد خلف الدهام]

انا اشووووووووف اني محارب من وسائل الاعلام في المنتدى ....


ياخي انا افضل لاعب من غير مجامله ما في منازع لي من 30 سنه ....

بس هل ايام القطار راح علينا وما لحقنا عليه ....

ما اقوول الا يالله حسن الخاتمه ...

اما احسن لاعب الحين اعتقد انه ابو حمني لانه يلعب برووح عاليه من جد ..
اكييييد كلكم مميزين بس القسمه ما تقبل على 11 لاعب ....

[زيد خلف الدهام]

شكرا بو وليد ...

[عبدالكريم حمدان الدهام]

من يصل اولا يستحق الافضليه
كما نرى هنا وهناك
الشهره تفرض سيطرة يونس عليوي
والمعرفة تبثت احقية عبدالرحمن حمدان

وشكرا ابو مشعل على الموضوع


الا صحيح خالد خلف انت متى لعبة عشان الاعلام يهضم حقك
خالد تراك صارلك زمان عن الكورة يمكن
من ايام ما كنا نلعب وكان يلعب معنا عبدالله حمدان وعبود السويلم وعبدالله العقيل

من اختفت مباريات الجمعه ذيك الايام ما اذكر اني شفتك تلعب

وبعدين ترى ابو وليد لاعب هداف


<<<<<< اي واحد يثقل جسمه نفسي ونفسك يا ابو وليد يصير هجوم غصب
والهجوم لازم هداف ;)

[زيد خلف الدهام]

<<<<<< اي واحد يثقل جسمه نفسي ونفسك يا ابو وليد يصير هجوم غصب
والهجوم لازم هداف






اقول قم بس قم انت وياه قال ايش قال هداف لو اسامة يلعب مكانك انت وخالد كان سجل اكثر منكم ...








***************************

[خالد فرحان الطحان]

أقول الحق لازم ينقال انا شفت أغلب الشباب الي اذكرو اساميهم ولا واحد يعادل مبارك الحمود الصراحة شفته وانا واقف من مسافة ومبارك هنري شرقي الرياض

[زيد خلف الدهام]

مبارك لاعب كويس بس توه صغير ولازم يهتم بنفسه اكثر ..

اما هنري شرق الرياض ياخي مبارك مافيه اي شي يشبه هنري لامن شكل ولامن لعب هو زي ماقلتلك لعبه كويس لكن ليس بنفس طريقه هنري . قول انيستا لاعب برشلونه قول خالد عزيز سعود كريري لان لعبه فيه شبه من لعب هؤلاء اللاعبيناما هو بنظري ليس مهاجم صريح ..


وجهة نظر فقط . لاتنقص من لعب مبارك ..

[نواف شفاقه الداله]

مشاء الله مشاء الله مشاء الله ..............!

بصراحه أنا مصدوم من اللي أقراه ،، كل هذول لاعبين ولهم شهره وماضي !؟

أنا دايما أجي النظيم بيت خالي سعود الكره ولا مره سمعتهم يتكلمون عن الكره او الرياضه !؟

كل الشباب هناك زقاير وشاي وبلوت !!

ان شاء الله الزياره القادمه بجيب معاي لبسي الرياضي + الجوتي ( تكرمون ) + دلاغ لي الركبه عشان الحمايه من الطيحات في الملاعب الترابيه :p

عايلة شفاقه عايله رياضيه كرويه بحته ولكن للأسف عرض الجسم وزادت الكرشه وقلت الحركه وزادت اصابات الشد العضلي ،، هذا بالنسبه للجيل السابق ،، أما جيلنا الحالي ففيه أساااامي تخررررع ولها صيتها بالمنطقه والمناطق المجاوره :)


أتمنى بزيارتي القادمه تضبطون مباراه ونشوف لعبكم ........ ;)



الله لا يشغلنا الا في طاعته :D

[يوسف أحمد الجزاع]

حلوة نواف أما الكرش فكثر منها

ما اعتقد اننا بنحكم على افضل لاعب من الكلام شرايكم أحجز لكم استاد القاهرة الدولي

ونقيم فيه مباراة ونستدعي مستكشفين اللاعبين من اوروبا لكي يتم التعرف على أفضل لاعبين

:D

<<<<<<< الاخ يحلم واجد

[خالد حمدان الدهام]

....



نواااااااااااااااف
والله هنا بالرياض من أبناء الروس - الذي قد لا تعرفهم - مايسر قلبك
والله والنعم بالكل وراح تشوف اللي يعجبونك

وأبشر بعزك
انت بس تعااااال
وشوف اللي يرضيك

أما الزقاير والبلوت = معروفين هههههههه

عموما ننتظرك ..
وانا بحكم للمباراه عشانك وبحسب لك بلنتي
وهلا وغلا

يانوااااااف

[نواف شفاقه الداله]

لاا لاا لاا أنا ما أرضى بالغش ،، من غشنا فليس منا :P

والله والنعم بأبناء الروس ، وأتمنى أعرفهم كلهم وأواجهم وإن شاء الله هالمنتدى الطيب هو بداية تحقيق هالحلم :)

[محمد ممدوح شفاقه الداله]

ههههههههههاي يعطيكم العافيه علي الموضوع وانا من اللي قال عنهم نواف اهل الكروش لكن مو بالشكل

المطلوب(كرشه في مرحله النمو ) والله يستر من اللي جاي

وبصراحه انا ارشح نواف كأفضل لاعب

وبعطيه لقب( زيدان الروس )

[خالد حمدان الدهام]

...


يستاهل نواف

وياليت يشرفنا ويلعب معانا بيوم هنا بالرياض

وترى ممكن نشتريه زيدان الروس
ويبشر بعزه

شوفته تسوى الدنيا

وانت يامحمد بتصير مدرب لياقه هههه

[بدر شفاقه الداله]

........................
يعطيكم العافيه على الموضوع وعلى الردود

يمكن مشاركتي تظلم البعض بس هذا لأني مو شايف لعب اغلب الي تكلمتوا عنهم

وانا بصراحه أشوف نواف احسن لاعب وانا بعده على طول هههههه

[عبدالله ممدوح السطام]

السلام عليكم .....

الفكرة حلوة وأتمنى الكل يشاركـــ ....

أنا أرشح اللاعب المخضرم يونس عليوي الرشود ..

وشكرا ...

أخوكم :: عبدالله ممدوح عطوان السطام .

[محسن ماجد الصعب]

مرحباء
احسن لعب هو ابواحمد علي الرشود

[فيصل خالد العريف]

,,


الحق ينقال طبعا اللي شفتهم انا

الجيل القديم

( ابو فهد صالح العريف , وأبوصالح محمد الصالح ( الملقب بعلي دائي) , وابو خالد عبدالله الحمدان )

والجيل الجديد

( عبدالرحمن حمدان , زيد خلف )

[ممدوح عبدالله الشفاقه]

شكرا ً علي الموضوع ...

بالنسبه لي انا ارشح نواف شفاقه كأفضل لاعب ومن ثم سعود شفاقه

اما اصحاب الكروش يانواف ترا ينعدون بالاصابع لاتجمعهم كلهم