يبه شلونك ؟؟ رووعه لا تطوفها

[عبداللطيف حمدان الدهام]

لما تقرا العنوان تستغرب
بس لما تقرا القصيده راح تعجب فيها انا متاكد

قصيدة اعجبتني وحبيت انقلها لكم



يبه شلونك
ملل هالكون من دونك ..
يبه شلونك ؟؟
وتمضي رحلة الدنيا..
بليا طلة عيونك..
يبه شلونك ؟؟
وشلون المرض وياك ؟؟
بعد ماهدك بدنياك..
عساها تغمض جفونك ؟؟
تبي تدري عن احبابك ؟؟
عن عيون تغنا بك ؟؟
عن قلوب دفنها الشوق..
واذا جاها الغفا جابك ؟؟
يبه امي تخيلك دوم..
تغني لك مع القمرا..
يبه واللي خذاك بيوم..
خذا بكريتك عفرا..
خذا.. وياماخذا.. وياما..
خذا ناس يحبونك
يبه حنا غدينا كبار..
توفقنا وتخرجنا..
يبه ماعاد فيه صغار..
يموج بهالزمن كل شي..
وحنا ماتموجنا..
على ذاك العهد نسري..
نبيع العمر والدنيا..
ولا تخلف بنا ظنونك
يبه شلونك ؟؟
تبي تدري عن اخباري ؟؟
عن افكاري وتذكاري ؟؟
اشيلك داخلي جمره ..
وبعيون الحزن عبره..
تغرقني .. وتحرقني..
اشوفك نجمة تجبر..
مراعيها .. يراعيها..
واشوفك للرجوله اسم..
اذا شد الزمن تقسى..
واحلم من معاني الحلم..
احسك مقبل بكرى..
وعيا لايجي بكرى !!
يبه تذكر زمان مر؟؟
لاقالو عمر؟؟
هو احلى مابهذا العمر..
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لاجل هذا ..
وكل هذا ..
اقول اليوم يابيي ..
ملل هالكون من دونك

للاسف ما عرفت لمنو هذي القصيده


ودي اسمع رايكم فيها ؟؟

[خالد حمدان الدهام]

...

نص جميل ومعبر ..
والله يحمل فيه الكثير من الحزن واللوعه .. والشوق .

أختيار جميل ياعبداللطيف ..
وننتظر الكثير منك تفاعلا .. ونقلا .

أتمنى تواجدك أكثر .

[عبداللطيف حمدان الدهام]

اشكرك ابو وليد على هذا التشجيع
وابشر بالجديد

[زيد خلف الدهام]

جميله هذه الابيات ورائعه
اما عن كاتب هذه الابيات فبعد البحث وجدت انه الشاعر مسفر الدوسري ...

[عبداللطيف حمدان الدهام]

شكرا ابو حمني على هذي المعلومه
وانا راح ادور له عن قصايد وانقلها لكم انشاء الله

[سامي خلف الدهام]

نص مميز وجميل .... شكرا على النقل

تحياتي

[عبدالله ممدوح السطام]

أشكرك عبد اللطيف الدهام على نقلك للقصيدة الرائعة .......

شوف الصدفة ====> القصيدة هذي موجود شريطها عندي والله عجيبة ........

وأعتقد أن القصيدة للشاعر تركي بن خويتم يمكن مو متأكد ....

وتقبل مروري وتحياتي ,,,,,,,

[خالد بن قدر بن مظهور]

تسلم على الكلامات الروووعه

ثم ابوك


ومشكوووووووور

[عبداللطيف حمدان الدهام]

سامي
خالد

شكرا لمروركم




اخوي عبدالله حياك الله


وانا والله ما نقلتها للمنتدى الا لانها تستحق قراتكم


شكرا لتواجدك هنا