الإيميل

[محمد الصالح الدهام]

قصيدة من الخيال المتصل بالواقع
وإن كانت سريعه .... أتمنى أن تحوز على رضاكم
ياليتني ماشفت أنا بالصدفه إيميل = في ساعة الظهر إذبحتني الحسايف
ذكرت أنا من مرسله في حزت الليل = يوم إحرمت بيني وبينه السوالف
هدت على بالي مطاريدٍ من الخيل = يوم المدينه تحتفل بالولايف
نسيت أنا الدنيا معه والبين والويل = ليتك ياوقتي عندها صرت واقف
قريت أنا بحرفه ولو حتى ماقيل = هجرك ذبحني قلي وشفيك خايف
ليتك تجي والمشكله ماعادبي حيل = يقوى على بعدك كذا وأنت عارف
بريق خدك للذهب والعين لسهيل = موتي عناقيد الكرز بالشفايف
رقصتلك عطر النفل والمسك والهيل = وحرف القصيد ولاإحتوتك العواطف

[ممدوح محمد العريف]

بريق خدك للذهب والعيـن لسهيـل موتي عناقيـد الكـرز بالشفايـف

هذا البيت يذكرني في قصة لواحد عزيز على , وبسراحه القصيدة جزله وانا اجيزك يا ابو صالح وفالك الطيب

[خالد حمدان الدهام]

...

ياسلام يا أبوصالح
قصيدة مستمدة من الصدق أولا وأخيرا
وأعتقد أعذب الشعر أصدقه
.
وصف رائع
وذكرى حزينة تحتوي جميع مشاعر الصدق والعشق

ألف شكر يا شاعرنا

[محمد الصالح الدهام]

شكراً لكم ولمشاركتكم النيره للقصيده
سبحان الله القصيده هذي منزلها بمنتدى آخر مشارك فيه من ثلاثة أيام
المشاهذات والزيارات تعدت 480 والتعليقات 32 تعليق
وهنا اللهم لاإعتراض
أنا مومحيرني إلا شيئ واحد الـ 200 شخص الموجودين الآن الساعة 11,50 يوم السبت 8/ذوالحجه 1429هـ
الموافق 6/12/2008م وييييييييييييييييييييييينهم

[خالد عقيل الشنان]

مرور بصمت يابو صالح

[دهام خلف الدهام]

بريق خدك للذهب والعيـن لسهيـل ..... موتي عناقيـد الكـرز بالشفايـف
رقصتلك عطر النفل والمسك والهيل ..... وحرف القصيد ولاإحتوتك العواطف

أبيات رائعة وأبداع يا أبو صالح .... فالك البيرق

[عبدالله حمدان الأسود]

ذكرت أنا من مرسله في حزت الليل = يوم إحرمت بيني وبينه السوالف
[/QUOTE]


رائع يابوصالح

بس وين باقي القصايد

وخصوصا
هلالية تقول

[محمد الصالح الدهام]

شكراً خالد عقيل على المرور الطيب وإعمل إحسابك ترى راح أسجلك غياب عن كل موضوع لي ماترد عليه بالبصمه وشكراً لك ياطيب .
أبو مشعل ألف شكر لمرورك العذب .
أبو خالد مليون شكر لمرورك النير .

[عبدالعزيز عيد السوادي]

بريق خدك للذهب والعيـن لسهيـل===موتي عناقيـد الكـرز بالشفايـف

مبدع في هالبيت يا بوصالح..

بس ودي أقرا الأيميل وشوف انت وشو له خايف :)


دمت للود وبك دام بو صالح

[محمدالسويلم الجريان]

ابو صالح


سلم وسلم ابداعك

تحياتي لك

[محمد صالح الدهام]

ألف شكر لك عبدالعزيز عيد السوادي وعلى مرورك العذب ورأيك النير
وإنشاء الله الإيميل راح تقراه بمذكراتي ههههه .
ألف شكر لك ياطيب
أخوك/ أبو صالح

[محمد صالح الدهام]

شكراً أبو مشهور على مرورك الذي عطر الصفحه