هجمه عاطفيه

[سامي خلف الدهام]

هَجمَه عَاطِفّيَه
على متن الفراق ارقى ابضرب كورة النســيان *** ابسجل على مرمى غيابك "قول" ياناســــــي

اشوفك دوم متسلل لقلبي والفكر هيمـــــــــــان *** وحبي رافع الرايه وقلبك طنشّ احساســـــــي

هجوم عيونك الخجلا يقابل قلبي الولهــــــــان *** يشتت بي دفاع النوم واسقط خارج نعاســــــي

تحسب ان الخطا ضدي وتلعب فاول الاحـزان *** تشوت الهم واشعاري تجي من ضمن حراسي

تجي تحكي واعرقلك على خط الشعور احيان *** وترفع همك الاحمر بوجه الحب ياقاســــــــي

بهمسة صوتك الساحر ترفع لي وانا طربـــان *** واشن الهجمه بعقلي واسجل قولي براســــي

وآفيق وتنتهي اللعبه واصير الرابح الخسـران *** بعد مااخذت منك الكاس لقيت المر في كاسـي

الشاعر : سعود العواجي

[عبداللطيف حمدان الدهام]

ابو خلف
شنو الحركات والابداعات
عاد اليوم جمعه نبي اهداف بس من غير تسلل تكفى
دايما مبدع ما قصرت

[خالد حمدان الدهام]

...


ياسلام والله حلو ,
أبيات جميلة ..
وذوقك رائع يا ابودانه

والله فكرتها حلوة .

وأتمنى منك أكثر وأكثر .

[سامي خلف الدهام]

اشكركم على المرور ... هذا كله من ذوقكم والله


شكرا الجميع

[فيصل عجاج الكره]

قصيدة بالفعل فريدة و مميزة

تشكر على النقل و الذائقة الجميلة

[فيصل خالد العريف]

.



قصيده ممتعه فيها دمج بين حب الشاعر للكوره وعتابه لمحبوبته
مشكور يابو دانه على النقل الرائع

.